बिज्ञापन

बिज्ञापन

प्रहरीका अनुसार,डा शर्माको संलग्नता देखिएपछि ललितपुर प्रहरीले उनीमाथि अनुसन्धान गरिरहेको छ । गत शुक्रवार उनलाई हाजिरी जमानीमा छोडिएको प्रहरीले जनाएको छ । सरकारी वकिल कार्यालयको सहमतिमा उहाँलाई हाजिर जमानीमा राखेर अनुसन्धान गरिरहेका प्रहरीले जनाएको छ ।

प्रहरीले अनुसन्धानका क्रममा बी एन्ड बी अस्पतालकी प्रसूति तथा स्त्रीरोग विशेषज्ञ डा नुतन शर्मा र गोतामेबीच भएको ह्वाट्सएप संवाद तथा बैंक कारोबारको विवरणसमेत संकलन गरेको छ । होप फर्टिलिटीको केसमा अनुसन्धान गरेका प्रहरी अधिकृतहरुका अनुसार किशोरीलाई १० हजार रुपैयाँ दिएर खरिद गरिएको डिम्ब १८ लाख रुपैयाँसम्ममा बिक्री गरेको खुलेको थियो । बी एण्ड बीको अनुसन्धानमा पनि डाक्टर नुतन शर्माले विचौलियालाई ५० हजार दिएको प्रष्ट देखिन्छ ।

डा शर्माले गोतामेलाई पटक–पटक ५०–५० हजार रुपैयाँ पठाएको अनुसन्धानबाट खुलेको र सोही रकममध्ये ३० हजार रुपैयाँ पीडित किशोरीलाई दिइएको प्रारम्भिक अनुसन्धानबाट खुलेको थियो ।

यस अघि २०८२ असारमा होप फर्टिलिटी सेन्टरमा अवैध तरिकाले डिम्ब निकाल्ने काम भएको खुल्यो । जसमा महान्यायविधवक्ता सविता भण्डारी नै मुछिएकी थिइन । सो प्रकरण सेलाउन नपाउँदै ०८३ असारमा बी एण्ड बी अस्पतालको आईभीएफ सेन्टरमा अवैध रुपमा डिम्ब निकाल्ने काम भएको बिषयमा अहिले प्रहरीले अनुसन्धान गरिरहेको छ । यी दुबै प्रकरणमा डिम्ब निकालिएकाहरु १८ वर्षभन्दा कम उमेरका किशोरी हुन् । नेपालमा कानुन त २० देखि ३० वर्षका महिलाहरुले मात्र डिम्ब दान गर्न सक्छन् ।